Di terminal bus Lampung ado ibu-2 nganter anak lanangnyo naek bus. Jurusan Lampung-Palembang.

Dio netepke anaknyo ke sopir:
– “Mang, netep anak aku ye. Kalo sampe Baturajo enjuk tau anakku”.

Sepanjang jalan, budak lanang tu nyenyes nian nanyoke la sampe Baturajo lom. Tiap menit betanyo sampe wong se-bus kesel galo.

– “Jang, kau tu tiduk be. Men la sampe Baturajo gek Mamang bangunke”.
Akhirnyo, budak lanang tu dak betanyo2 lagi. Dio tiduk lelep nian.

Bus Tenang, bejalan lancar… Dak tunyo bus kebablasan sampe Prabumulih.

Meraso beduso dan kesian samo budak tu, sopir ngambek inisiatip ngomong dengen penumpang:
– “Maap bapak-ibu. Aku tadi la bejanji dengen budak yg lagi tiduk itu nak manguni dio kalo nyampe Baturajo. Kito sekarang la di Prabumulih la parak ke Palembang. Makmano, setuju dak kalo kito muter lagi ke Baturajo nganter dio?”

Seluruh penumpang meraso besalah n setuju balek lagi ke Baturajo nganter budak itu.

Sampe di Baturajo budak itu dibangunke.
– ” Jang la sampe Baturajo, bangun… bangun….”
Budak itu bangun:
– “La sampe yo?”
Terus dio ngeluarke nasi bungkus dari tasnyo. Seluruh penumpang bis melongok heran.
– “Bukannyo kau nak turun di Baturajo?”

Budak itu Jawab:
– “Ai….idaklah Mang. Aku nak ke Palembang jugo samo dengen yang laen. Tapi mak aku pesen, men la sampe Baturajo aku boleh makan nasi bungkus ni….”
God Bless